வாழ்வியல் சிந்தனைகள் – 62 – ராதா மனோகர்

Share

நமது எண்ணங்களே நமது இயந்திரங்கள்

எமது மனதில் ஒரு விருப்பம் தோன்றியவுடனேயே அதை பற்றி நாம் சிந்தித்து அதில்லயித்து இருப்பது அதை நிதர்சனமாக்கும் ஒரு அற்புதமான வழியாகும். அதை பற்றி கனவு காண்பதுவும் ஒரு மிக நல்ல நிச்சயமான மார்க்கமாகும்.

ஆனால் நாம் அதைபற்றி எண்ணுபோதே அது எவ்வளவு தூரம் சாத்தியமாகும் என்று எண்ணி கவலைப்பட தொடங்குகிறோம். அல்லது அந்த விருப்பம் நிறைவேற அதிகம் செலவாகுமே எனக்கு அது கிடைக்குமா? என்பது போன்ற எதிர்மறையான எண்ணங்களுக்கு நாம் அதிக நேரத்தை எம்மை அறியாமலேயே ஒதுக்குகிறோம். இதனால் என்ன நடக்கிறது தெரியுமா?

எமது விருபங்களை நாமே தூர தள்ளி வைக்கிறோம். விருப்பங்கள் ஒரு ஈர்ப்பு சக்தி என்றால் அவை நிறைவேறுமா என்ற அவநம்பிக்கை அந்த விருப்பங்களை எம்மை விட்டு வெகு தூரத்திற்கு தள்ளி வைக்கும் பலம் வாய்ந்த எதிர் சக்தியாகும்.

ஒன்றை நாம் அடைவதும் அதை அடையமுடியாமல் ஏமாறுவதும் நாமே நமக்குள் உருவாக்கிக்கொள்ளும் எண்ணங்களில் இருந்து பிறப்பவையாகும்.

நமது எண்ணங்களே நமது இயந்திரங்கள்.

வாழ்வியல் சிந்தனைகள் – 63 – ராதா மனோகர்

Leave A Reply