நெஞ்சின் ஆழத்தில் புதைந்த
நினைவுகளின் நிழல்;
சுழன்றடிக்கும் சூறாவளியாய்
மனதினுள் வீசும் வலி.
உன் பார்வை
இதயத்தை எரிக்கிறது;
வார்த்தைகளின் வெயிலில்
உருகித்தான் போகிறேன் நான்.
மூச்சு சுடும் காதல் வலி
கண்களின் வழியே கசியும்;
சொல்ல முடியாத வரிகளாய்
காதல் ரணங்கள்.
பிரிவு என்னும் வார்த்தையில்
நின்று போன என் நிமிடங்கள்;
என்னைச்சுற்றி உன் சுவாசப்பந்து,
மூச்சுத் திணறுகிறேன்.
நிசப்த இரவுகளில் தீண்டலின்றி
தொட்டு விடும் நினைவுகள்;
கனவின் ஓரத்தில் நின்று
நாளும் அழிக்கிறேன்.
உன் பெயர் சொல்லி
வலிநிறைந்த நெஞ்சம் உருகி அழுதும்;
இதயம் மட்டும் உன் நினைவுகளில்
மீண்டும் மீண்டும் மூழ்குகிறது..!
- சகாய டர்சியூஸ் பீ